Vremena za odmor nema – Sutjeska već sjutra (21) protiv Cedevite Junior igra drugi meč na „balonu“ NLB ABA2 Lige u Novom Sadu.
Više od pola sezone u regionalnom takmičenju je prošlo, a Sutjeska je na skoru od tri pobjede i pet poraza. Osim naše ekipe, još pet timova ima identičan skor i do kraja regularnog dijela će se voditi velika borba za plej-of.
Poput Sutjeske i Cedevita Junior ima tri pobjede i pet poraza, a u prethodnom meču je izgubila od Heliosa (88:68). Stoga je ovaj meč veoma bitan kada je riječ o borbi za plej-of.
“Izuzetno bitan meč za nas. Potrebna nam je pobjeda i protiv Cedevite i Pelistera. Idemo utakmicu po utakmicu. Sigurno da su se neki igrači potrošili protiv Širokog. Ostaje žal za tom utakmicom, ali moramo što prije da je zaboravimo i okrenemo se Cedeviti. Riječ je o mladoj ekipi, ali iskustvo je na našoj strani. Nadam se pobjedi”, rekao je Miloš Vujović.
FOTO: DRAGANA STJEPANOVIĆ