Nakon ovog meča naš tim je na skoru od šest pobjeda i tri poraza.
Ekipa je dobro otvorila meč i povela 8:3, da bi nakon toga Pelister preokrenuo i stigao do prvog vođstva – 13:12. Potom je rival napravio seriju 7:0 i stigao do 25:16 što je bio rezultat prve četvrtine.
Drugu četvrtinu naš tim je otvorio sa sedam vezanih poena, prišao na 25:23, ali je Pelister odgovorio i serijom 11:0 otišao na 34:23 da bi nakon 20 minuta bilo maksimalnih 43:28.
Početkom drugog poluvremena naša ekipa je postigla četiri vezana poena, smanjila na 50:38, ali je i taj nelet rival odbio i otišao na 55:38, a onda početkom posljednje četvrtine i na maksimalnih 66:47. Tada je seriju inicirao Andrej Vulević i ekipa je prišla na 66:57.
Kako se meč bližio kraju Sutjeska je topila zaostatak izjednačila na 75:75, ali je Pesliter u posljednjem napadu izborio slobodna bacanja i stigao do pobjede.
Najefikasniji je bio Vladimir Tomašević sa 22 poena. Miloš Koprivica je ubacio 14, Andrej Vulević 11, a Miloš Popović 10 poena.
Naredni meč Sutjeska igra u nedjelju (15) protiv Sparsa.
FOTO: DRAGANA STJEPANOVIĆ